【賽後解碼】車仔玩假9 破曼城不敗之身
20181209
東網電視
更多新聞短片
(法新社圖片)
英超周末晚超級大戰，由車路士主場對曼城，結果「車仔」憑住夏薩特交出兩次助攻，先後由尼高路簡迪及大衞雷斯各建一功，以2比0取勝，打破咗曼城今季不敗金身。賽後曼城以16戰得41分跌落次席，畀利物浦以1分之差趕過。
講番今場，車路士領隊沙利排出怪陣，平時嘅正選前鋒艾華路莫拉達連後備都冇份，反而夏薩特就以「假9」身份擔正。沙利賽後就解釋，話唔用艾華路莫拉達只係戰術決定，連後備席都冇佢份，只係因為有個基奧特做後備已經夠晒，而呢套新戰術又真係成功，前場創造力進一步加強，造就兩球淨勝。
事實上，今場就連曼城都一樣排出「假9」陣，喺阿古路因傷缺陣之下，領隊哥迪奧拿都將加比爾捷西斯收起做後備，僅以史達寧做「假9」，就知呢套「假9」戰術，喺英超前列球隊嚟講，絕對係成功秘訣。
東網體育FB同你追實體壇每個精彩時刻！
支持本地運動員，一齊去「睇體」！