搞邊科？女子世盃冇預世足小姐
20181209
東網電視
更多新聞短片
(法新社圖片/Getty Images)
2019女子世界盃出年喺法國舉行，今日就為決賽周舉行抽籤儀式，其中老牌勁旅挪威就抽中落A組，同組會有南韓、尼日利亞同東道主法國。應屆女子金球獎得主希格貝芝正正係挪威國腳，不過佢自從喺2017女子歐國盃，當球隊小組包尾兼零入球出局之後，就未嘗再代表挪威女足出賽，究竟出年世盃決賽周有冇機會見到佢呢？
根據挪威女足主帥辛祖格連透露，呢位世足小姐再代表挪威女足嘅機會，暫時係零：「你哋自己問佢啦，現階段單嘢已經完結，係佢自己話唔想代表國家隊，我哋只係尊重佢決定。睇吓點啦，但依家我哋根本冇同佢有任何聯絡。」依家效力緊法國里昂女足嘅希格貝芝，之前上電視講過，話除非國家隊有幾個良好改善，否則佢唔會考慮重返國家隊咁話。你講到咁大牌，教練又真係好難落台，如果女子世盃冇得睇世足小姐，同睇男子世盃冇得睇C朗拿度同美斯有咩分別呢？
東網體育FB同你追實體壇每個精彩時刻！
支持本地運動員，一齊去「睇體」！