【賽後解碼】睇片啦！老孫型到噴汁呀！
20181209
東網電視
更多新聞短片
(法新社圖片)
孫興民靚入波：https://bit.ly/2E7nDCC
周六英超壓軸好戲由李斯特城主場對熱刺，熱刺今場認真大膽，收起首席球星哈利卡尼同基斯甸艾歷臣做後備，二人都只係後備登場踢咗十幾廿分鐘，事關主帥普捷天奴目的，係留力嚟緊周中歐聯對巴塞隆拿嘅歐聯大戰，爭出線嘛！雖然話冇咗卡尼喺前線孭飛，不過今期熱刺單係有「老孫」孫興民就夠晒照，呢位南韓Oppa今場踢到上半場補時階段，禁區外一腳左腳世界波轟入死角，幫熱刺先開紀錄。下半場佢哋再有迪利阿里建功，最後埋單贏2比0。
講番孫興民，依家佢喺熱刺已經變得愈嚟愈重要，佢喺近4場英超入咗3球，只要佢入波，熱刺呢3場都贏晒，唯一冇入波係對阿仙奴場波，結果熱刺就輸2比4。仲有，「老孫」依家入球板斧愈嚟愈多，好似之前對車路士嘅「千里走單騎」，仲有今場嘅禁區外狂轟，總之對手要守住佢真係好難呀！
東網體育FB同你追實體壇每個精彩時刻！
支持本地運動員，一齊去「睇體」！