【有片】感動！港隊歷史性贏晒四場國際賽！

香港勁揪！主隊歷史性贏晒四場國際賽事。雖然外隊來勢洶洶，但港隊表現卻十分醒神。第四場香港瓶先由告東尼馬房的「時時精綵」先拔頭籌，此項錦標港隊已失去了四年，今次面對強敵「雍容白荷」的強襲，潘頓再次施展渾身解素反勝對手，打出漂亮的一仗，佢老婆賽後更爆喊！而呢場香港瓶為練馬師告東尼取得第十場國際賽勝仗之外，更完成大滿貫創舉，寫下從練新的里程碑。

到第五場香港短途錦標，幾可成為港隊囊中物，不過頂頭大熱「旺蝦王」放至直路腳軟，最終由羅富全馬房訓練的「紅衣醒神」率先過終點，而這場一級賽頭馬，更是練馬師羅富全及騎者田泰安在港的首場一級賽勝利，意義重大。賽後贏馬嘅騎師田泰安，更同女友在草地上Kiss，超級sweet呀~

第七場香港一哩錦標，大摩馬房「美麗傳承」強勢衞冕，臨場熱至1.5倍，雖然賽前外間對此駒健康情況有疑點，不過「美麗傳承」卻展現出馬王風範，入直路愈跑愈斜之下，輕鬆彈甩馬群三個馬位掄元，潘頓連贏兩場一級賽。

第八場香港盃，「歡樂之光」面對上屆冠軍兼兄長「馬克羅斯」，今次採取領放策略，由鞭神蘇兆輝執韁，「馬克羅斯」緊守第二位，入直路後「歡樂之光」率先發力，最後力拒來犯直領到底。羅富全一日兩奪國際賽，相當威水。