連中兩口！車路士球迷搞咩呀？
20181215
東網電視
更多新聞短片
(互聯網)
近期車路士球迷頻頻出事，繼上場英超對曼城，有球迷向黑人球員史達寧作種族歧視辱罵後，周四歐霸盃作客匈牙利維迪奧頓，球迷唱歌嘅歌詞又涉及反猶太主義，短期內連中兩口，車路士呢勻有排煩。
上次辱罵史達寧單案，英國警方已就事件展開調查，估唔到幾日後出到歐洲賽場，球迷言行繼續出事，當日約有1200名車路士球迷遠征，喺場內佢哋唱起：「巴塞隆拿、皇家馬德里、熱刺，全部都係猶大......」
據報道歐洲足協已就事件展開調查，車路士極可能受罰，球會亦透過發言人譴責球迷行為，認為佢哋令球會蒙羞，影響球隊聲譽。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！