【雙紅大戰】嘩！曼聯輸波費爵爺會......
20181215
東網電視
更多新聞短片
費格遜約咗班徒弟提早慶祝聖誕。(互聯網)
曼聯喺英超作客利物浦前，英國《太陽報》爆料，紅魔傳奇領隊費格遜趁未開波搞咗個費Sir飯局，史高斯、傑斯、畢特同加利尼維利都有出席，為曼聯造訪晏菲路球場壯下聲威。
報道話費格遜約咗班徒弟喺曼徹斯特市中心嘅新開高級飯店聚舊，提早慶祝聖誕，費爵爺經過醫生勸阻，輪休冇入場睇曼聯對富咸同華倫西亞嘅比賽後，睇落好精神，不過球員時代跟過佢搵食嘅麥佳亞就提醒曼聯球員，千祈唔好激親老人家。
麥佳亞咁講：「費爵爺永遠都唔想輸畀利物浦，有次我哋作客輸波，佢向所有人發火，連廚師同清潔工人都唔放過。我哋唔會捱夜去備戰愛華頓，但遇到利物浦就會咁做，雙紅會肯定係英超重頭戲，對於雙方球迷嚟講都一樣。」
支持本地運動員，一齊去「睇體」！
東網體育FB同你追實體壇每個精彩時刻！