【Really?】寸王:曼聯仲可入前四!

20181217
東網電視
更多新聞短片
(互聯網)
曼聯今輪去到晏菲路,僅靠對手門將艾利臣比加犯錯破蛋,最後輸1:3。「曼聯又輸一場」,今季已輸到第五場,目前不僅落後榜首利物浦19分,亦爭第四車仔11分,要爭歐聯資格可謂荊棘滿途。雖然輸得難睇,但莫連奴對曼聯依然好有信心,並深信球隊可以殺入前四。
「我哋可唔可以攞英超冠軍?當然唔得,但仍然可以入前四。的確唔係易事,不過曼聯一定可以前六完結球季。今日場波優勝劣敗,但佢哋唔係於最強勢嘅時候贏曼聯。頭廿分鐘紅魔氣都冇得抖,我見到安德魯羅拔臣(利物浦左後衞)都驚。頭廿分鐘利物浦的確係遠勝曼聯,對手展現出嚟嘅所有嘢都好過我哋。但去到1:1,曼聯都絕對有得打,之後對手就射入兩個折射入球,對曼聯係好殘忍。事實上,係利物浦入第三球之前,曼聯都仲係有機會搶得分數。完場後迪基亞同我講,如果第二、三球唔係省到人,佢可以輕易撲出。如果係係要講有運,可以講呢兩個入球。我哋覺得係可以贏今場賽事---就算唔算係好應該。」
支持本地運動員,一齊去「睇體」!
東網體育FB同你追實體壇每個精彩時刻!