【有片】紅軍升級版「越位陷阱」玩殘盧卡古
20181217
東網電視
更多新聞短片
利物浦主場3比1技術性擊倒曼聯，就連「超技術」都一樣睇到球迷津津樂道！話說曼聯開波冇耐曾經將個波射入網，艾舒利楊格罰球直接彎入，可惜盧卡古被吹罰越位在先慘食詐胡。不過，有網民發現呢個「越位陷阱」內有乾坤，慢鏡顯示喺艾舒利楊格主射罰球前一刻，盧卡古係畀沙迪奧文尼「雙龍出海」推出去越位位置，佢又懵盛盛唔識跌，仲要伸腳企圖踢波，搞到被吹罰只可以怪自己啦。
東網體育FB同你追實體壇每個精彩時刻！
支持本地運動員，一齊去「睇體」！