絕望心聲!曼聯徹底變成中游球隊

20181217
東網電視
更多新聞短片
堅尼(圓圖)狠批曼聯唔掂。(Getty Images)
曼聯喺英超作客以1:3不敵利物浦,場面上完全唔似同級球隊對撼,搞到領隊莫連奴再次成為圍插對象,球員時代做過紅魔隊長嘅堅尼仲直接話,現時嘅曼聯算唔上英超前列,徹底變成中游球隊,聽到人好心酸!
堅尼嬲爆咁話:「我好肯定,部分曼聯球員質素唔夠好,差過曼城同利物浦好多。我知道所有球員都好努力,或者安達靴里拉做到佢要做嘅嘢,但曼聯後防有好多漏洞,真係好多,我估今季最多只係入到前4名。如果你來自月球,對於曼聯一無所知,睇完呢場波你會以為佢哋係英超中游球隊。」另外,堅尼鬧連格喺雙紅大戰前宣布潮服店開張,好離譜喎!
支持本地運動員,一齊去「睇體」!
東網體育FB同你追實體壇每個精彩時刻!