有得笑好笑啦!高圖爾斯寸利物浦英超無冠

20181229
東網電視
更多新聞短片
比利時門將泰拔高圖爾斯今季由車路士過檔皇家馬德里後,撞正球隊陷入低潮,佢哋失球數字亦持續高企,成為唔少球迷「抽水」對象。呢位貴價門神近日趁西甲歇冬,去咗阿布扎比參觀謝赫扎耶德大清真寺,並且喺IG到粉絲分享兼留言:「呢度係我去過其中一個最靚嘅地方!」
呢張咁普通嘅相片分享,仍然難逃球迷抽水,一位網民為「futbol_gazer」嘅利物浦球迷就喺相片留言:「仍然保持唔到清白之身。」泰拔高圖爾斯就抵唔住頸回覆:「仍然冇英超冠軍。」不過之後就有大批利迷「洗版」反擊,寸佢就快畀基羅拿華斯搶走正選,而且利物浦今季首奪英超冠軍形勢大好,泰拔高圖爾斯要笑就趁依家啦!
東網體育FB同你追實體壇每個精彩時刻!
支持本地運動員,一齊去「睇體」!