【有片】日本拳手被打到喊 梅韋特執1億

20190101
東網電視
更多新聞短片
(法新社圖片)
即睇比賽片段:https://bit.ly/2AyADP9 
2018除夕夜日本埼玉競技場上演一場話題拳賽,由41歲美國長勝拳王梅韋特,接受同樣不敗的日本搏擊天才那須川天心挑戰,不過兩人重量有別,梅韋特佔壓倒性優勢,僅花139秒就獲勝,喪執1億港元拳酬,可憐日本拳手被打到當場哭泣,也見識過世界級拳王厲害。
其實今次拳賽只係搞噱頭,賽績不計算入兩人職業賽事紀錄,梅韋特職業賽50場全勝27次KO,係世界知名嘅長勝拳王,佢體重70公斤,比日本對手重足足10公斤,其實已經冇得打,不過日本天才那須川天心年僅20歲,擁有32場全勝賽績,仲係一名全能型搏擊選手,職業MMA亦錄得4戰全勝2次KO紀錄,所以夠膽一試。
賽事採拳擊例,唔准起腳,那須川天心蝕晒底,如果准起腳或者有得鍊吓,結果呢場拳賽雖然只打三回合,每回合三分鐘,不過就喺第一回合就分勝負,梅韋特一開始已經笑住打,憑佢特長嘅手臂,出拳力量甚大,日本天才只能捱打。
打咗大約一分鐘,梅韋特首次擊倒對手,之後冇耐再一記上勾拳,對方又倒地,過咗一陣,那須川天心又中招第三次倒地,梅韋特僅花139秒就技術性擊倒對手。今場比賽梅韋特嘅拳酬大約係1億港元,亦即每秒鐘賺到72萬港元,啲錢真係好易搵。
支持本地運動員,一齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!