蘇B發功力挽 曼聯大將勢續新約
20190109
東網電視
更多新聞短片
（Getty Images）
曼聯領隊蘇斯克查，上任後帶領球隊英超、英足盃五連勝，完任扭轉摩連奴時代頹勢，陣中球星亦再一次笑容滿面。蘇B除擅於場上調兵遣將外，於場外仲發揮巨大作用。據英媒透露，蘇B極度滿意中場安達靴里拉表現，向佢落足嘴頭，表示呢名西班牙大將於奧脫福絕對有未來，靴里拉極有機會於短期內續新約。
靴里拉於摩帥麾下上陣機會不多，而其合約於本季尾完結，於蘇B帶隊前佢都拒絕續新約。不過蘇B上任後，靴里拉一躍成為陣中第二重要中場，地位僅次於保羅普巴；而蘇B亦於私底下進行遊說，認為佢未來於曼聯大有可為。靴里拉早前唔肯續約嘅其中一個原因，係加薪幅度未如理想；但現於上陣機會大增下，表示價錢絕對以商量，相信佢續新約只係時間問題。
東網體育FB同你追實體壇每個精彩時刻！
支持本地運動員，一齊去「睇體」！