利物浦曳到震 雲迪積克鬧爆邊個隊友?

20190113
東網電視
更多新聞短片
(互聯網)
利物浦今輪作客白禮頓,球隊表現遠不及本身水平,中場前毫無之創造力,埃及文明亦都冇乜威脅,沙拿唔夠集中完場近門射失,文尼更心事重重好似未瞓醒一樣。本季後防極強嘅紅軍,完場前畀白禮頓用高波狂轟,連全球最高身價後衞華基爾雲迪積克,都忙中有錯於禁區內犯手球,好彩球證認為佢唔係有心,並冇判12碼畀主隊。
去到完場前利物浦後防立立亂,令一向於球場內談笑用兵嘅雲迪積克,亦少有地大發雷霆,向後防右路喪叫狂鬧,明顯係唔滿意右閘阿歷山大阿諾特防守甩位,未有向對手施予應有壓力。雲迪積克自加盟後,完全係球隊後防領袖,好少見佢嬲到咁。不過阿諾特失準亦算情有可原,因為呢名英格蘭新晉國腳,於開賽前扭親足踝,相信之後好番可以有較佳表現。
支持本地運動員,一齊去「睇體」!
東網體育FB同你追實體壇每個精彩時刻!