奧斯爾連後備都唔值？艾美利咁答
20190113
東網電視
更多新聞短片
（互聯網）
阿仙奴今輪作客韋斯咸，兵工廠爆冷輸0:1，由於車路士於稍後時間砌低紐卡素，阿仙奴已落後第4位車仔6分，要爭聯賽前四更加困難。另外兵工廠只領先第6位曼聯3分，如果再唔爭氣重返正軌，分分鐘畀紅魔鬼過頭。今戰兵敗錘仔幫，陣中最高人工球星奧斯爾竟然連後備席都坐唔到，賽後記者當然就相關問題追問領隊艾美利。
「就今仗嘅戰術部署，我有足夠嘅球員去贏波，而我嘅工作就係揀人落場。球隊有冇奧斯爾，都曾經贏過、輸過，所以佢有否在陣並非關鍵。佢的確係已經復操，而且身體冇任何問題，但我始終認為，用上今仗落場嘅球員力足取勝。」
艾美利唔信任奧斯爾，已經唔係今日嘅事，之前聯賽對般尼茅夫，以及英聯盃對熱刺，奧斯爾都有各種原因冇被派落場，依家艾帥確定佢冇傷冇病，依然連後備都冇資格做，睇嚟奧燒堅「前途似咁」。
支持本地運動齊去「睇體」！
東網體育FB同你追實體壇每個精彩時刻！