【東體爭議】數據唔呃人 夏神係新球王
20190113
東網電視
更多新聞短片
(互聯網)
周日(13日)凌晨英超，車路士以2:1險勝紐卡素，拯救車仔嘅人又係夏薩特，呢位比利時球星即使被對手6人包圍，但仍然送出致命妙傳，造就韋利安射入致勝1球。
完成呢次助攻後，「夏神」今季英超已貢獻10次助攻，仲有10個入球，5大聯賽之中，只有佢同美斯達到「雙雙」。
28歲嘅夏薩特近年表現愈來愈出色，唔止成為車路士絕對核心，更加多次傳出皇馬想收購佢。
經過領隊沙利改造後，夏薩特今季又「升呢」，變成「假9」前鋒，入波數字直線上升，佢上季英超上陣34次入12球，但今季披甲21次已有10球進帳，大有機會突破20球大關過終點。
以往都有輿論指夏薩特係繼美斯、C朗之後，世界第3最佳球員，雖然之後殺出個基利安麥巴比，被捧為新球王，但論球技全面性，以至對球隊嘅影響力，夏薩特明顯在麥巴比之上，「夏神」先至係下一位統治球壇嘅新球王，或者佢加盟皇馬之日，就係登基之時。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！