【有片】史上最黑！補時3次中柱楣兼炒12碼

東網電視

(互聯網)

立即去睇下維拉利爾有幾黑https://bit.ly/2M7nGjB　

好波不如好運，如果行衰運，點好波都冇用，周日(13日)凌晨維拉利爾1:2不敵基達菲，就係最佳例子，維拉利爾踢到補時，有2次中門楣及1次中柱，最離譜係連12碼都射失，完成「黑仔4連擊」。

比賽去到補時，維拉利爾有大把機會扳平，馬里奧加斯柏抽射畀基達菲守衞閘到改變方向中楣，柏保路科奴斯頭槌補頂再中楣，個波彈出佢再頂多一下，又被對方後衞擋出底線。

角球開出，維拉利爾托高伊甘比頭槌攻門又中柱，佢衝前補頂，被對手踢中，球證吹罰12碼，維拉利爾以為機會終於來了。

點知托高伊甘比自己操刀，竟然一腳炒高，就咁斷送3分。昔日嘅歐聯份子維拉利爾依家已經淪為尾二球隊，莫非天意注定佢哋要降班？

支持本地運動員，一齊去「睇體」！

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網