多舊魚！曼聯想搵修夫基領軍
20190113
東網電視
更多新聞短片
(Getty Images/互聯網)
曼聯請蘇斯克查擔任看守領隊之後，成績大反彈，已經連贏5場，但會方仲未打算畀份長約蘇斯克查，而係繼續物色下任主帥。根據英國《每日郵報》爆料，紅魔鬼已經將英格蘭國家隊領隊修夫基，列為候選人之一。
據悉，曼聯原本打算邀請普捷天奴執教，但估計熱刺好大機會唔放人，因為佢哋絕對唔想呢位阿根廷名帥落入勁敵之手。
曼聯需要做多幾手準備，現時候選人之中，除咗普捷天奴之外，仲有施丹、蘇斯克查，依家加埋修夫基。
修夫基同英軍合約要到2022年先至屆滿，紅魔鬼要撬走佢亦唔易。值得一提，修夫基都係先做英格蘭看守領隊，之後再坐正，曼聯與其聘請佢，不如畀蘇斯克查坐正，行修夫基嘅舊路仲好啦。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！