【有片】曼聯華裔新人王轟入碧咸式罰球
20190113
東網電視
更多新聞短片
曼聯19歲新星塔希茨鍾繼早前英足盃對雷丁一戰有出色表現之後，佢喺昨日(12日)為曼聯U23對富咸U23，又有佳作。
「鍾仔」身穿7號球衣，離門25碼主射罰球入網，無論射波姿勢，以至皮球飛行軌跡，都同紅魔傳奇7號碧咸非常相似，莫非佢就係曼聯未來新7仔？
塔希茨鍾今次嘅罰球片段喺網上瘋傳，令到唔少網民睇到大嗌，紛紛留言：「佢令人難以置信」、「佢嘅罰球，我畀100分」、「呢位小朋友將來一定成為巨星」。而最多人希望曼聯領隊蘇斯克查將塔希茨鍾加入常規陣容名單，畀佢喺英超上陣。
塔希茨鍾喺英足盃對雷丁，同碧咸一樣都係踢右路，佢喺U23着7號波衫，唯一唔同係為「鍾仔」慣用左腳，只要佢持續有精彩演出，喺英超表演靚罰球只係時間問題。
據悉，塔希茨鍾嘅祖先係中國人，當年因為逃避戰亂先至移居到荷蘭，媽媽係第三代華人，甚至有傳中國國家隊想徵召佢，但以「鍾仔」現時級數，恐怕最後都係揀代表荷蘭。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！