【熱曼戰】20年前普捷天奴蘇B同一陣線
20190113
東網電視
更多新聞短片
(Getty Images/互聯網)
英超將於周一(14日)凌晨零時30分上演大戰，熱刺主場對曼聯，呢波最大焦點係雙方主帥，因為盛傳曼聯計劃今季結束之後，聘請普捷天奴領軍，紅魔看守領隊蘇斯克查則要力爭坐正，今場波隨時決定兩人前途。
打生打死之前，普捷天奴自爆20年前曾經係曼聯「支持者」，喺1999年歐聯決賽幫紅魔鬼打氣，而當年為曼聯射入致勝1球就係蘇斯克查，兩人由20年前站在同一陣線，依家成為對頭人。
普捷天奴話：「我當時仲踢緊愛斯賓奴，去魯營球場睇波好方便，我係以中立球迷嘅身份去現場，但我後來非常落力為曼聯打氣，踢到補時舒寧咸、蘇斯克查入波反勝，實在太神奇啦，忍唔住大叫慶祝，我都唔知點解自己會咁做。」莫非普捷天奴想暗示自己係曼聯球迷，樂意執教紅魔鬼？
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！