【有片】我係大力金剛腿!門將遠射神奇笠入

20190113
東網電視
更多新聞短片
(互聯網)
門將入波,大家都想起巴拉圭傳奇鋼門芝拉華特,佢嘅入波多數都係罰球或12碼,亦試過喺中場超遠罰球入波,上周六北愛爾蘭有位門將,比芝拉華特更厲害,佢喺自己後場開死球,直接大腳遠射入波,相當神奇。
射入呢個神奇入波嘅門將名叫艾洛特摩利斯,年屆37歲,今次亦係佢比賽生涯首次入波,而佢所屬嘅北愛爾蘭聯賽球隊格倫托蘭,之前已經13場未贏過,今場球隊憑佢喺開賽11分鐘開紀錄,完場前3分鐘再由隊友奧尼爾埋齋,最終作客以2比0擊敗學院隊,中止不勝紀錄。
講番個入波,估計離門超過70碼,艾洛特摩利斯用盡力開個死球,皮球越過球場直飛對面龍門,對方門將企得太出,當警覺時雖然向後退,但受陽光刺目影響,加上皮球順風,嘗試撲救但結果甩手,皮球最終入網。
根據紀錄,北愛聯賽對上一次門將入波係2010,當時係由門將射入12碼。
支持本地運動員,一齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!