咁都得？伊拉克國腳奉旨用假證踢亞洲盃
20190113
東網電視
更多新聞短片
(法新社/互聯網)
伊拉克18歲新星前鋒阿里卡達謙喺今屆亞洲盃表現搶鏡，連續兩場分組賽入波。不過正所謂人怕出名豬怕肥，近日佢就畀傳媒挖到舊料，原來佢前年曾經畀西亞傳媒踢爆過，話佢喺2014年試過用細佬穆罕默德身份，扮成2000年出世去出戰U14亞洲盃，帶領球隊贏冠軍，兼贏埋嗰屆金靴，但實質佢係1997年出生，依家成21歲先真呀！
本來當件事曝光，阿里卡達謙應該會有大麻煩，當年連伊拉克足總當年都即刻將佢逐出國家隊，以免被拖累惹麻煩，只係件事後來有180度突破性逆向發展，就係伊拉克法院話阿里卡達謙因為已經踢過U14亞洲盃，喺亞洲足協又已經以2000年出生嘅身份註冊，因此就批准佢繼續使用細佬穆罕默德嘅護照咁話，結果佢咪做咗今屆亞洲盃嘅18歲超新星囉，問你服未？
東網體育FB同你追實體壇每個精彩時刻！
支持本地運動員，一齊去「睇體」！