爆肌羅拔仔？ 網友：新年喺健身室過！
20190113
東網電視
更多新聞短片
羅拔仔手臂爆肌。(Getty Images)
德甲老牌班霸拜仁慕尼黑今季上半季表現未達預期，踢完首循環只排名第2，落後榜首多蒙特6分之多。喺冬休期間，球隊就拉隊去咗卡塔爾集訓，球員睇落非常落力，其中射手羅拔利雲度夫斯基畀人影到佢張跑步相，只見着住背芯嘅佢，兩邊手臂粗過條頸，結實之餘，成個變型俠醫一樣，異常恐怖。之後有傳媒仲要拎番佢一年前嘅相做比較，家陣嘅爆肌羅拔就好似食咗藥咁，谷到漲晒，認真犀利。
有網友講笑話：「羅拔仔喺健身房過新年咩？」又有話佢：「簡直就係侯克（變型俠醫）！」總之人人都談論住佢嘅肌肉特變。又睇吓歇冬之後，呢個爆肌羅拔係咪咁堅先！
東網體育FB同你追實體壇每個精彩時刻！
支持本地運動員，一齊去「睇體」！