半場怒擋11球!迪基亞創本季撲救紀錄

20190114
東網電視
更多新聞短片
(互聯網)
最強迪基亞強勢回歸!英超曼聯作客熱刺,拉舒福特上半場一箭定江山,但要不是迪基亞,曼聯至少反輸三球。換邊後熱刺狂攻,哈利卡尼、迪利亞里打出水準,長驅直進怒射又入、近門頭槌又有,但都被迪基亞手腳並用全數救出。熱刺上半場攻門冇中過龍,下半場迪基亞總共作出11次撲救,係本季英超最多紀錄,迪基亞亦毫無懸念地,被選為今場最佳球員。
迪基亞下半場嘅表演技驚四座,連熱刺亦無話可說,賽後官網報道今戰輸波,就表示球隊「無法攻破迪基亞」,睇到呢名西班牙鋼龍有幾犀利。今戰迪基亞處理對方近門埋門,多次用腳救出;咁蹺上半場福仔射入嘅一球,同樣係於禁區右路抽射,但洛里斯選擇用手去救救唔切,迪基亞就用腳去救,除化解卡尼同亞里兩次近距離抽射外,於完場前再次使出一字馬式腳部救波,又又又試令卡尼失望而回。
一場作出11次撲救,係本季英超最多紀錄,迪基亞已宣布回復最佳水準。自從俄羅斯世界盃以來,迪基亞似陷入信心危機,水準有下跌迹象,但於蘇斯克查時代,佢已回復百份百信心,對曼迷嚟講絕對係好消息。
東網體育FB同你追實體壇每個精彩時刻!
支持本地運動員,一齊去「睇體」!