輪到熱刺大鑊鳥!竟然係咁嘅賽程

20190114
東網電視
更多新聞短片
熱刺可能同時冇孫興民(右)同哈利卡尼。(Getty Images)
熱刺喺英超主場以0:1不敵曼聯,除咗哈利卡尼受傷,孫興民仲要出發會合南韓國家隊踢亞洲盃。睇番賽程,跟手熱刺要連續3場作客應付倫敦打吡戰,金翅大鑊鳥!
暫時未清楚哈利卡尼嘅傷勢有幾嚴重,不過熱刺領隊普捷天奴承認好擔心:「或者曼聯球員唔係有心傷人,但呢個的確係好差嘅攔截,哈利卡尼足踝有啲腫,賽後要拐住咁行。」熱刺緊接喺聯賽對富咸,然後喺英聯盃4強次回合對車路士,跟住喺英足盃第4圈對水晶宮,3場倫敦打吡戰全部作客,都唔知會唔會因為咁冧檔。
支持本地運動員,一齊去「睇體」!
東網體育FB同你追實體壇每個精彩時刻!