【冬季轉會】曼聯要簽中超翼鋒代替A山
20190114
東網電視
更多新聞短片
曼聯成績大反彈，但仍然落後第4位車路士6分，加上2月歐聯16強開打，球隊今個月需要增兵，以應付雙線大戰，最新收購目標令人意外，竟然係效力中超球隊大連一方嘅比利時翼鋒恩歷克卡拉斯高。
恩歷克卡拉斯高嘅老婆Noemie Happart爆料，指曼聯的確好有興趣簽入佢老公：「佢(恩歷克卡拉斯高)收到德甲、西甲、英超及意甲球會嘅邀請，而有關曼聯想簽佢一事，都係真嘅，對方真係好有興趣，我唔需要隱瞞，但仲未簽訂任何協議，儘管睇下之後點發展。」
Noemie仲話佢哋兩公婆雖然鍾意中國，但始終適應唔到當地生活同文化，特別係離開家人同朋友太遠，所以都好想重返歐洲。早前傳出阿仙奴想收購恩歷克卡拉斯高，但最後不了了之。
現年25歲嘅恩歷克卡拉斯高有份協助比利時獲得上年世界盃季軍，佢喺上年2月由馬體會轉投大連一方，喺中超上陣25次入7球。
恩歷克卡拉斯高喺中超搵食近1年，「代表作」係操練時打傷隊友晉鵬翔嘅鼻子，事後佢向晉鵬翔道歉，以及賠償1萬歐元。
曼聯主帥蘇斯克查想簽翼鋒代替阿歷斯山齊士，但如果簽入火爆嘅恩歷克卡拉斯高，未免太冒險。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！