【冬季轉會】阿仙奴等錢使 要買巴塞中場
20190114
東網電視
更多新聞短片
(Getty Images)
有關奧斯爾離開阿仙奴嘅消息已經傳咗一段時間，依家好快會有答案，根據英國《每日郵報》爆料，兵工廠領隊艾美利已經向董事局表明，唔要奧斯爾，希望今個月就賣走呢位30歲前德國國腳，籌錢收購巴塞隆拿中場丹尼斯蘇亞雷斯。
奧斯爾現時周薪達到35萬鎊，對球會財政造成好大負擔，出售佢唔止可以慳番一大筆人工，仲可以收到轉會費買人。
最重要係領隊艾美利已經有代替佢嘅人選，就係巴塞隆拿中場丹尼斯蘇亞雷斯。據悉，阿仙奴已經同巴塞方面傾掂數，只等兵工廠攞出資金，就可以成交，因此艾美利非常心急要賣走奧斯爾，甚至已向董事會表明態度，奧燒非走不可，問題係依家好難有大球會願意接收呢位大牌球星。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！