CBA竟然有個校花女神做記者
20190114
東網電視
更多新聞短片
陳都靈擔任CBA明星賽助威官。(互聯網)
2019年CBA明星賽，竟然有個人氣校花做記者，超級長腿加清純外型完全符合女神標準，仲有人話，迷暈網民嘅陳都靈着上湘北高校波衫，似足日本經典漫畫《男兒當入樽》嘅女主角赤木晴子添！
陳都靈喺福建省廈門市出生，佢喺2014年演出擔任電影《左耳》女主角，但其實在此之前，佢喺中國網上校花選舉已經得過冠軍，當時仲係以冇P圖證件相得到網友支持，證明佢素顏超掂，所以未播出嘅《七月與安生》電視版都係由佢孭飛。
《左耳》女主角李珥喺街頭籃球賽中對男主角產生好感，現實生活中陳都靈咁話：「我喜歡陽光運動型的男生，如果籃球打得好就會超級加分哦！」陳都靈喺星期日舉行嘅CBA明星賽獲邀擔任助威官，期間仲搵易建聯合照，睇落係真心鍾意籃球。
支持本地運動員，一齊去「睇體」！
東網體育FB同你追實體壇每個精彩時刻！