一個隊徽設計 竟涉及中美知識產權鬥爭
20190114
東網電視
更多新聞短片
(互聯網)
中超球會天津權健因為母公司權健集團嚴重違法，陷入危機之後，球會亦面臨瓦解，需要重組，並改名天津天海，隊徽都需要更換。網上流出新隊徽設計，有眼利嘅網民發現呢個隊徽，竟然同美職球會聖荷西地震幾乎一樣，疑似抄襲。
隊徽流出之後，引起聖荷西地震會方注意，更加喺官方社交網上載呢個天津天海新隊徽，問網民到底係唔係真嘅，有網民指事件涉及知識產權層面。
事實上，知識產權問題一直都係中美之間一大矛盾，美國經常指責中國抄襲，以至竊取科技，估唔到依家連隊徽都抄埋，會唔會又成為美國總統特朗普開炮嘅藉口呢？
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！