贏波又點 皇馬創8年嚟最差數據

20190114
東網電視
更多新聞短片
(Getty Images)
西甲老牌班霸皇家馬德里尋晚作客以2比1險勝貝迪斯,依家總算殺番入前四。本來贏波絕對可喜可賀,不過今場佢哋對住貝迪斯,全場控球比率竟然只得恐怖嘅26.3%,係佢哋8年來最低比賽中最低比率。睇番歷史,「銀河艦隊」上次咁差已經係2011年4月,當年佢哋對住宿敵巴塞隆拿,喺最擅長泊大巴嘅摩連奴帶領下,全場控球比率係23.7%。雖然咁講,話晒當年係對住粒粒巨星嘅「地上最強」,控球比率低都算係情有可原,但家陣對手只係實力普通嘅貝迪斯,人哋全場傳波713次,而皇馬只得254次,你話羞唔羞家先?或者問吓皇馬個金球獎得主中場「魔笛」莫迪歷有咩好解釋先?
東網體育FB同你追實體壇每個精彩時刻!
支持本地運動員,一齊去「睇體」!