阿根廷渣男後衞 炒完車咁做都得?

20190114
東網電視
更多新聞短片
(互聯網)
效力阿根廷獨立隊嘅後防新星阿倫法蘭高,渣男真身曝光!話說呢位21歲後防重心上周日去完夜蒲之後,揸車返屋企期間,突然遇上車禍,撞傷咗一個懷孕7個月嘅女士同女士嘅婆婆,而根據傷者事後透露,阿倫法蘭高出事後唔止冇乜點理佢哋,更離譜係竟然諗住向前來處理事故嘅警察行賄,認真人渣呀!
據知,畀車撞倒嘅廿幾歲孕婦事後證實斷咗條肋骨,而婆婆則係身體多處受傷,兩人事後都被送往醫院治理,唯一慶幸係佢哋都冇生命危險,胎兒都冇事。根據現場消息講,阿倫法蘭高事後諗住賠錢了事,但孕婦嘅老公拒絕有關提議,而期後阿倫法蘭高再向警察行賄又被拒絕。家陣阿倫法蘭高將會面臨醉駕指控,至於球會事後會唔會跟進處分就未知,最慘係傷者一家都係獨立隊球迷,今次獨立隊高層都認真頭痕。
東網體育FB同你追實體壇每個精彩時刻!
支持本地運動員,一齊去「睇體」!