【荒唐更衣室】女教練用球員下體尺寸揀人
20190118
東網電視
更多新聞短片
(互聯網)
男子足球近年開始出現由女性教練領軍，德國第5級聯賽球隊古柏堡教練胡賓賀絲係其中之一。
呢位年僅30歲嘅女少帥近期人氣急升，但並非佢教波成績特別好，而係佢一句說話，令全世界震驚。
話說德國《世界報》記者日前採訪胡賓賀絲時，提出一個問題：「你進入更衣室時，球員係咪都着好晒衫褲？」胡賓賀絲竟然答：「佢哋肯定唔需要着好衫褲，我好專業，我係根據球員下體尺寸大細，來挑選派邊個上陣。」
雖然唔知胡賓賀絲講真定講假，但佢今次語出驚人，立即成為新聞人物，被網民大起底。原來佢球員時代曾經效力古柏堡女子隊，可以話係球隊「名宿」，喺球會有一定地位，難怪講嘢可以咁大膽。
胡賓賀絲亦入選過德國U23女足，佢2年前已經掛靴，今季開始執教古柏堡男足，並成為德國男足頭5級聯賽之中，唯一女性教練。
不過，古柏堡成績麻麻，現時排包尾，可能胡賓賀絲需要改變一下佢嘅「用人方法」。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！