【東體爭議】想利物浦失冠嘅球迷係可憐蟲
20190119
東網電視
更多新聞短片
利物浦今季勢如破竹，目前喺英超領先曼城4分做「一哥」，大有機會自1990年後首嘗頂級聯賽冠軍滋味。不過，英國《每日鏡報》透露，球壇近期出現一股怪現象，就係除咗爭標對手曼城之外，其他球隊嘅球迷都唔希望利物浦可以打破聯賽錦標荒，出現「只要唔係利物浦，邊隊捧都冇所謂」嘅諗法。
對於呢個現象，利物浦領隊高普就作出反擊：「我從來唔會咁樣諗嘢，我享受贏波係因為我贏，而唔係因為人哋輸，我唔係幸災樂禍嘅人。如果有人因為利物浦捧唔到盃而快樂，我會好同情佢，不過我唔會因為呢啲人而增加動力，因為講真呢班人對我嚟講係Nobody！」
東網體育FB同你追實體壇每個精彩時刻！
支持本地運動員，一齊去「睇體」！