車路士內亂禍首 數沙利黐線三宗罪
20190123
東網電視
更多新聞短片
（互聯網）
車路士近期戰績低落，上輪英超吞阿仙奴兩蛋，近十一場聯賽輸咗四場，雖然仲排緊聯賽第四，但僅領先阿仙奴同曼聯三分，再唔振作幾難搶到下屆歐聯席位。領隊沙利大發雷霆，公開力數球員唔識踢大戰，毫無「戰士」應有氣質。
但英媒報道，車仔戰績曳沙利責無旁貸。呢名意大利領隊，操練方法毫不合理，言論又導致球隊士氣低落。首先佢於操練時，不時將防守球員及中前場球員分開，即係守將齋練防守、中前場只練進攻，故球隊落場時，防守球員同中前場未能連接，出現斷開兩截情況。
另外當球隊於聯賽踢夜波時，沙利竟要求球隊於比賽日練波，早前英聯盃四強首回合對熱刺時，艾華路莫拉達就於賽日操練時受傷未能落場。球員認為呢個安排毫無必要，唔單只增加受傷機會，而且於比賽時好快冇氣。
第三係沙利向球員表明，只會選擇部份球員踢英超賽事，導致一啲邊緣球員冇晒心機，有球員甚至講笑話，沙利甚至唔知自己叫咩名。以上總總令車仔陣營士氣低沉，睇嚟沙利極需要改變帶隊風格。
東網體育FB同你追實體壇每個精彩時刻！
支持本地運動員，一齊去「睇體」！