英超最新積分榜！利物浦畀球證害死
20190131
東網電視
更多新聞短片
高普(圓圖)認為拿比基達被勾跌明顯係12碼。(互聯網)
經過周中快車賽程，英超最新積分榜唔睇唔知有幾亂。由於利物浦喺主場以1:1打和李斯特城失分，曼城落後5分爭標仲未玩完。另外，車路士作客以0:4慘負般尼茅夫，被阿仙奴騎過跌到聯賽榜第5位！
利物浦喺下半場有拿比基達被列卡度彭利拿從後勾跌，點知球證馬田艾堅遜冇畀12碼，搞到紅軍錯過再領先嘅機會，領隊高普咁話：「呢個可能係我哋遇過，最明顯要判12碼嘅場面，當時球證喺最佳位置，你要問佢點解唔判12碼，你改變唔到佢。」
比起利物浦和波失分，車路士淨吞4蛋更慘情，目前佢哋同阿仙奴同得47分，得失球差都一樣，不過入球唔夠對方多跌到第5位，咁嘅結果曼聯最開心，因為紅魔只係落後車仔同兵工廠2分，仲有機會爭入前4名拎到下季歐聯入場券！
英超最新積分榜
排名 球隊 積分
1 利物浦 61分
2 曼城 56分
3 熱刺 54分
4 阿仙奴 47分
5 車路士 47分
6 曼聯 45分
只列前6名
支持本地運動員，一齊去「睇體」！
東網體育FB同你追實體壇每個精彩時刻！