運都贏埋！曼聯有機會簽哈利馬古尼
20190211
東網電視
更多新聞短片
哈利馬古尼係曼聯收購目標。(Getty Images)
曼聯喺看守領隊蘇斯克查上任後徹底轉運，英國仲有消息話，摩連奴執教時點都簽唔到嘅哈利馬古尼，暗示想離開李斯特城，意味紅魔有機會喺今個夏天簽佢！
最近李斯特城戰績低迷，失球數字高企，據講哈利馬古尼同卡斯柏舒米高都覺得冇癮，考慮轉會走人，當中哈利馬古尼同記者講，冇李城佢冇今日，強調唔會強行要求離開，但為咗自己嘅前途，佢始終想有歐聯踢。
哈利馬古尼咁講：「回報李斯特城好重要，毫無疑問，我內心依然忠誠，準備下季喺李城迎接球季，但即使係年青球員，都會希望踢最高水平比賽，李城係提升緊嘅球隊，大家可以睇下我哋拎到咩排名，再睇下我會喺邊度。」
支持本地運動員，一齊去「睇體」！
東網體育FB同你追實體壇每個精彩時刻！