【依家威啦】曼聯大將：季初紅魔得啖笑
20190212
東網電視
更多新聞短片
（互聯網）
曼聯喺香港時間今晚深夜，於歐聯16強首回合主場迎戰巴黎聖日耳門。當初16強抽籤嗰陣，PSG抽正紅魔鬼，心裡面可能非常高興，因為當時曼聯正處低潮，摩連奴根本搞唔掂班波。但時移世易，自蘇斯克查上任之後紅魔即刻翻生，貢獻10勝1和佳績。依家曼聯上下信心爆棚，其中剛與球隊續約4年嘅菲爾鍾斯，就直言季初球隊戰績、表現「得啖笑」，依家球隊就已撥亂反正，向住正確方向邁進。
「季初我哋直頭係得啖笑，但依家已經完全撥亂反正。近10至12場賽事，球隊表現大有改善，而且仲可以更好。喺季初時，球隊上下以至球迷都非常艱苦，但球隊強壯起來並已度過難關。我都講過，曼聯依家的確未爭取到任何實績，我哋唔會有任何幻想，但好明顯係向住正確方向前進。」
鍾斯仲對殺入前四充滿信心：「我哋可以打入前四，只要球隊繼續進步，繼續取得分數。穩定係所有體育項目嘅關鍵因素，英超亦係一樣。要達到目標（入前四）唔係易事，但所有球員都希望參與其中，我哋全部一條心。」
支持本地運動齊去「睇體」！
東網體育FB同你追實體壇每個精彩時刻！