亞冠外 陳晉一︰入場一刻感震撼!

2019年02月13日 00:56
東網電視
更多新聞短片
(何彥霆怡保直擊)

【何彥霆怡保直擊】傑志周二晚(12日)作客馬來西亞出戰亞冠盃外圍賽次回合,最終在120分鐘後打成1比1平手,互射12碼以5比6不敵霹靂,不過今仗值得一提的,是首次以16歲之齡首次出戰亞洲賽,並且表現不俗的陳晉一。今仗正選上陣並踢了67分鐘的「阿一」,坦言僅於開賽前才得悉自己將會出任正選︰「自己踢正選係啱啱比賽前先至知道,嗰吓冇咩特別感受,不過係出到去熱身,球迷開始入場嘅時候,感覺到嗰種震撼感嘅時候,開始有少少緊張,始終都係第一次參與亞冠嘅賽事,見到個場合係咁大嘅時候。」

對於亞洲賽與本地賽事的最大分別,今季曾出戰菁英盃的陳晉一則認為是在速度上︰「相比起香港嘅本地賽事,對手係快好多,可能技術上係我哋比較好,但係我自己體型同體能方面就同對手爭好遠。」至於壓力方面,「阿一」則感謝有一眾好隊友去協助他︰「壓力就一定有,不過好好彩一班隊友都幫到我,喺比賽前同比賽期間都有提住同鼓勵我,不過壓力就唔係好大,始終有一班好好嘅隊友,只係喺呢個場合會有啲緊張。『朱Sir』有叫我諗快啲,要好清楚自己每一步要做啲乜嘢,同埋喺比賽時要留放得好啲。」