亞冠外　李毅凱︰唔怕失敗！會變得更強！

【何彥霆怡保直擊】傑志周二（12日）於亞冠盃外圍賽次圈作客馬來西亞，在下半場大部份時候僅得10人應戰下，跟霹靂在120分鐘後打成1比1平手，最終互射12碼以5比6不敵對手。於賽事後備上陣的李毅凱，戰至88分鐘一度為「藍鳥」扳平，隨後主射第5輪12碼時卻告射失，令互射12碼進入「突然死亡」，而隨着丹尼操刀射第7輪12碼被救出後，最終霹靂由Davaragi射入奠定勝局的一球12碼出線。「阿凱」雖然最後對自己射失12碼感到失望，但強調不會忘記今次的經歷，並指自己從此會變得更加堅強︰「後備上場嘅時候，個心好想快啲為球隊扳平，最終自己做到扳平嗰一刻係好開心，但係大家10個人好努力去應付對面11個，逼和射12碼亦都係我射失。我職業生涯係唔會忘記今晚（12日），我唔怕失敗，但係我之後會變得更強，呢個回憶嚟講對自己係個好好嘅反思，之後嚟緊會做得更好，去幫助球隊達到亞協4強、入決賽嘅目標。足球就係咁樣，逼和之後射失12碼，呢球射失咗係對自己係好失望，但之後嚟緊有好多比賽，我哋會去贏番啲波去攞番自己啲信心番嚟。」