【魔門戰】速度屈機！麥巴比同大哨睇齊
20190213
東網電視
更多新聞短片
(互聯網)
巴黎聖日耳門(PSG)喺周三(13日)凌晨歐聯16強首回合，即使缺少兩大射手尼馬同卡雲尼，但淨係一位基利安麥巴比，已經夠打殘曼聯防線，包括射入致命第2球，令紅魔鬼次回合翻身機會大減。
呢個入球波亦係麥巴比職業生涯第14個歐聯入波，已經追平巴西名宿「大哨」朗拿度喺歐聯入波數字。
年僅20歲嘅基利安麥巴比今場多次利用個人速度，衝擊曼聯防線，全場有4次射門，仲令安達靴里拉、艾舒利楊格、域陀連迪路夫食黃牌，可見曼聯球員面對呢位法國國腳，真係冇晒計，只能以犯規阻止佢進攻。
基利安麥巴比僅踢24場歐聯就入14球，仲比「大哨」少16場，效率認真驚人，佢亦成為史上第3位連續3場歐聯作客英格蘭，都有波入嘅球員。曼聯主帥蘇斯克查，真係要諗計對付麥巴比，否則次回合隨時又重蹈覆轍。
東網體育FB同你追實體壇每個精彩時刻！
Follow東網體育IG一齊撐本地運動員！