【魔門戰】曼聯球迷喪插普巴正白癡
20190213
東網電視
更多新聞短片
(Getty Images)
曼聯今場歐聯唔止輸波，仲輸人，中場球星保羅普巴，因為兩次攞黃牌被逐，次回合需要停賽，無緣再鬥巴黎聖日耳門，削弱球隊反勝機會。
賽後唔少曼聯球迷批評呢位法國國腳魯莽，特別係出腳攔截丹尼爾，攞第2張黃牌實在無謂。有網民話：「普巴要停止呢種搶波動作，真係好無謂，亦會整傷人。」
另外有人直斥佢：「愚蠢嘅普巴，令曼聯次回合冇得翻身。」、「普巴係一個白癡，開波冇耐，就感覺到佢有麻煩。」有人直接了當話：「普巴由英雄變狗熊。」
保羅普巴係蘇斯克查克上任之後，表現最好嘅曼聯球員，期間入8球及5次助攻，估唔到今場一鋪清袋。
東網體育FB同你追實體壇每個精彩時刻！
Follow東網體育IG一齊撐本地運動員！