【超得人驚】A山「魔門戰」數據曳到咁！
20190213
東網電視
更多新聞短片
（Getty Images）
蘇斯克查帶出10勝1和佳績後，終於首嚐敗績，於歐聯16強首回合主場吞巴黎聖日耳門2蛋。曼聯於夫添情況下，上半場同PSG拉成均勢，但自拉舒福特同連格受傷，換入阿歷斯山齊士同桑馬達後，PSG明顯得到甜頭，最後省入兩球奠勝。A山臨危受命，但完全係災難性演出，踢足半場竟然零射門、零關鍵傳送、零出波、零盤扭，就如隱形人一樣。
連格於上半場補時階段傷出換入A山，成個下半場A山好似遊魂一樣，曼聯於進攻上同打少個冇分別。高手過招此消彼長，曼聯攻擊線廢咗一臂，PSG就可放心壓上。賽後唔少曼迷都於網上聲討A山，亦有唔少足球有關專頁勁寸呢名智利國腳，其中Paddy Power就咁寫：「當A山換入連格，普巴領紅之後，曼聯完場前只得9人應戰」。
完場前被問到A山表現不濟，蘇斯克查咁答：「我幫唔到A山任何嘢。佢毫無疑問係個好球員，但落到場佢自己要識表現自己。」
東網體育FB同你追實體壇每個精彩時刻！
Follow東網體育IG一齊撐本地運動員！