曼聯歐聯輸波 利物浦文尼踩多兩腳

20190213
東網電視
更多新聞短片
(互聯網)
曼聯於歐聯16強首回合,於奧脫福0:2敵巴黎聖日耳門,看守領隊蘇斯克查上任後首次輸波。球隊於兩回合制賽事主場落後兩球,要於缺少保羅普巴(停賽)下翻身機會微。眾所周知利物浦同曼聯係死敵,紅軍前鋒沙迪奧文尼見到紅魔輸波,忍唔住於IG狂寸對手,魔迷見到肯定躁爆。
當「魔門戰」踢到八十分鐘開外,曼聯落後緊兩粒,文尼於IG STORY UPLOAD咗當時電視畫面,上面寫住「Hummm」,即係「嗯」嘅意思;冇幾耐之後再上載另一張相,入面佢於操練時笑到四萬咁口,再附加一個笑到標晒眼水嘅Emoji表情,雖然佢冇表明係笑緊曼聯,但兩張相緊接咁Post,好難令人唔聯想到兩者有關。曼聯不敵巴黎聖日耳門後,就要於英足盃撼車仔,之後就會同利物浦正面交鋒,到時就睇吓文尼可唔可以繼續笑喇。
東網體育FB同你追實體壇每個精彩時刻!
Follow東網體育IG一齊撐本地運動員!