創造商機 武磊西甲波衫賣斷市
20190214
東網電視
更多新聞短片
(互聯網)
之前講過，「中國球王」上月底加盟西甲愛斯賓奴，加盟消息吸引3.5億觀眾人次關注，初次上陣嘅收視人數超過4,000萬，數字虛無，講幾多都係假，賣波衫就冇得呃啦，消息指最近武磊波衫賣斷市，成為最高銷量愛斯賓奴波衫！
過去兩星期，武磊波衫售出超過5,000件，據講已成為內隊最暢銷波衫，仲遠遠拋離其他球員添噃，就連該隊原本最受歡迎球星保查艾利斯亞斯，佢件波衫買足半季都冇呢個數字。
愛斯賓奴官方宣布，將會推出中文限量版波衫，只有3位球員會推出呢款波衫，包括武磊、保查艾利斯亞斯同馬克洛卡，每件限量出售100件，預計呢件武磊稀有中文限量版波衫，炒賣價值都唔嘢少喎。
支持本地運動齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！