好難過！E沙拿女友向至愛道別
20190214
東網電視
更多新聞短片
(互聯網)
阿根廷前鋒伊美利安奴沙拿加盟卡迪夫城期間因飛機失事離世，這段時間一直只係佢前女友在社交媒體發文，但佢正牌女友就冇出過聲，日前，同佢拍拖一年半嘅女友終於現身，訴說與E沙拿相處的時光，並表示自己會努力活下去。
E沙拿正牌女友係來自巴西31歲女排運動員路易莎，兩人於前年邂逅，路易莎效力南特女排，E沙拿係南特前鋒，兩人最後一次相聚係1月14日，亦係路易莎生日，她說：「佢話會去英超加盟卡迪夫城，去英超一直係佢嘅夢想。」
「在街上大家都會認得佢，搵佢合照，我時常抱怨『點解你入咁多波』。在飛機失去聯絡後，等待消息期間好痛苦，一直抱有希望，直至宣布發現遺體。」
路易莎向男友作最後道別：「你經常對我說『感謝生命的存在』，我會永遠愛你，我會為我倆而快樂地生活下去，盡可能快樂一點，因為那也是你想看到的。」
支持本地運動齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！