曼聯上次歐聯淘汰賽贏波 係由佢帶隊
20190214
東網電視
更多新聞短片
(互聯網)
曼聯於歐聯16強首回合主場對巴黎聖日耳門，結果淨吞兩蛋，次回合受傷停影響，紅魔鬼翻身無望，看守領隊蘇斯克查神奇魔法亦失靈，有心水清網民發現，原來曼聯近季在歐聯淘汰賽都未贏過，對上一次取勝，要數到莫耶斯年代。
2013至14球季，莫耶斯獲前領隊費格遜欽點執教，可惜未完成球季就遭解僱，但其實佢帶隊都唔係差，至少喺歐聯打入8強。講番當年歐聯16強對奧林比亞高斯，首回合輸0比2，次回合憑尹佩斯帽子戲法大勝3比0，成功反勝晉級，但在8強遇上拜仁慕尼黑，兩回合1和1負被淘汰。
莫天才之後，尹戈爾帶領嘅曼聯甚至未能在分組賽出線，摩連奴上季在歐聯16強對西維爾兩回合1和1負，一樣未贏過，暫時4任領隊中，以莫天才成績最好喎。
支持本地運動齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！