皇馬晉硬級？沙治奧拉莫斯「洗牌」唔踢啦
20190214
東網電視
更多新聞短片
皇家馬德里周四(14號)歐聯作客幸運贏阿積士2比1，次回合返主場唔輸就搞掂，「銀河艦隊」似乎對晉級坐定粒六，主力沙治奧拉莫斯喺球隊87分鐘領先後，唔夠2分鐘就喺中場蓄意犯規攞黃牌，意味佢次回合將要停賽，但就確保8強(如果真係有得踢)開始可以清白之身比賽。
事實上，沙治奧拉莫斯出晒名係「洗牌王」，2010年佢同沙比阿朗素喺對阿積士嗰陣故意拖延時間「食牌」，完場後沙治奧拉莫斯仲走去同球證握手，結果被罰款處分，2013年佢喺對加拉塔沙雷再一次故意食黃「洗牌」，今次係第3次施展「洗牌」絕技。不過，歐洲足協條例列明，如果發現球員故意拎牌，將會喺原定停賽期外加多1場作為處分。
東網體育FB同你追實體壇每個精彩時刻！
支持本地運動員，一齊去「睇體」！