【東體爭議】孫興民重要性高過哈利卡尼？
20190214
東網電視
更多新聞短片
熱刺喺哈利卡尼同迪利阿里2大球星受傷後，唔少人睇死佢哋將會「爆煲」，結果熱刺喺英超繼續力逼榜首雙雄，歐聯就一隻腳踩咗入8強，相信大部份球迷都會同意，南韓球星孫興民係熱刺Keep住佳績嘅最大原因。孫興民喺歐聯大勝多蒙特一仗又入1球，近12場賽事交出11球同5次助攻，堪稱係「世界級」數據。
更加犀利嘅係，孫興民今季有入波嘅13場比賽，熱刺錄得100%勝率，領隊普捷天奴賽後招積表示：「下次孫興民再有入波，我可以提早返更衣室沖涼。」熱刺名將贊拿斯為電視台評述今場歐聯嗰陣亦表示：「孫興民同哈利卡尼係同一個Level。」不過唔少球迷都覺得，孫興民除咗貢獻入波同助攻之外，佢哋速度、力量、逼搶都做到100%，又可以出任前線唔同位置，全面性高過哈利卡尼添！
東網體育FB同你追實體壇每個精彩時刻！
支持本地運動員，一齊去「睇體」！