【繼續吹】雲格讚「未來熱」媲美曼聯七小福
20190214
東網電視
更多新聞短片
熱刺喺歐聯8強在望，被球迷寸係「未來熱」嘅佢哋，再一次顯示出球隊未來有幾咁光明，就連多年死對頭雲格都忍唔住大讚，話依家呢隊熱刺可以媲美92年曼聯經典「七小福」添！
雲格表示：「喺英格蘭要捧盃難度極高，作為阿仙奴擁躉，談論熱刺係有啲敏感，但我想講係熱刺有一班好出色嘅年輕一代，佢哋令我諗起曼聯92年一代，好似傑斯、史高斯、碧咸、畢特、尼維利等等，當年曼聯成功登上球壇頂尖，依家熱刺只係喺關鍵時刻展示唔到成熟一面，未來2至3年或者可以成功。」
東網體育FB同你追實體壇每個精彩時刻！
支持本地運動員，一齊去「睇體」！