巴塞隆拿貸款1.2億英鎊 保羅普巴來了？
20190214
東網電視
更多新聞短片
據西班牙《國家報》報道，西甲勁旅巴塞隆拿近期成功向2間美國公司借款1.22億英鎊，而且將會用作夏天買人嘅軍費，種種行動預示球隊有「重大計劃」正在進行，曼聯中場保羅普巴一直係巴塞隆拿心頭好，總監艾比度更加對呢位法國同胞情有獨鍾，唔通真係內有乾坤？
消息指巴塞隆拿向投資公司Pricoa Capital Group同Barings，分別借到7,890萬鎊同4,380萬鎊，球隊只需要以1.8%息率喺未來5年還款，而且唔需要提交任何借貸保證。《國家報》指巴塞隆拿表面上話資金用作日常營運，不過當中絕大部份會用作夏季買人嘅資金。
巴塞隆拿上月宣布用6,530萬鎊收購荷蘭中場法蘭基迪莊，作為重建計劃第1步，傳聞曼聯中場保羅普巴同阿積士中堅馬菲斯迪歷特係夏季收購2大目標，依家資金已經到位，球迷等睇巴塞隆拿下一步有咩行動啦！
東網體育FB同你追實體壇每個精彩時刻！
支持本地運動員，一齊去「睇體」！