A山超騎呢受傷 無緣鬥車仔
20190214
東網電視
更多新聞短片
(Getty Images)
阿歷斯山齊士加盟曼聯後，表現持續低迷，完全唔配有50萬鎊周薪天價人工，早已被批評「高薪低能」，惹起公憤。
估唔到呢位智利國腳又有「壯舉」，事緣曼聯上場歐聯對巴黎聖日耳門比賽期間，佢喺場邊熱身時，掛住睇波，搞到同旁證相撞，結果整傷膝部，好可能缺陣下周二(19日)凌晨英足盃16強作客車路士，認真騎呢。
據悉，當時A山受傷之後，立即通報教練團，但教練團隊要求佢繼續熱身，準備入替受傷嘅連格。結果「一錯再錯」，A山上陣之後，表現好似隱形，拖累整隊表現，好快就連失2球輸波。
因此，輿論都質疑點解曼聯領隊蘇斯克查會畀A山帶傷上陣，可能係蘇B領軍以來最大「污點」。
由於連格同安東尼馬迪爾都喺上場歐聯受傷，依家A山又搞單咁嘅醜事，令到下周二(19日)凌晨作客車路士，曼聯鋒線人腳大為緊張，隨時再失一盃。
東網體育FB同你追實體壇每個精彩時刻！
Follow東網體育IG一齊撐本地運動員！